منتدى عن الشباب ومشاكل العصر


    ليه كل حاجة مش عادى بقت عــــــــــــــــــــــــادى

    شاطر

    ام ريم

    عدد الرسائل : 25
    تاريخ التسجيل : 14/01/2009

    ليه كل حاجة مش عادى بقت عــــــــــــــــــــــــادى

    مُساهمة من طرف ام ريم في الأربعاء يناير 14, 2009 8:25 pm


    اهلا بكم أخواتى فى خواطرى التى تجول فى ذهنى


    النهاردة أنا هتكلم معاكم فى موضوع مهم اوى واتمنى مشاركاتكم ومعرفة ارائكم
    عاوزين نصحح المفاهيم ونعدل المشقلب ونظبط المعووج ونعدل
    المقلوب
    سؤال يتكرر فى ذهنى
    ليه كل حاجة مش عادى بقت عادى !!

    ليه يا شباب ليه يا بنات !!
    ليه لما نقعد مع بعض فى مكان ونتكلم فى اعراض الناس بقت عااادى مع انه مش عاادى !!

    ليه لما امشى فى الشارع والاقى شاب ولا بنت راكبين عربية ومشغلين الكاسيت على الاخر وعمالين يسقفوا ويهيصوا واقول عااادى مع انه مش عااادى !!

    ليه لما اكون فى الجامعة والاقى البنات عاملين فى نفسهم البدع اللى حاطة كيلو بودرة على وشها واللى مغيره خلقتها واللى لابسة ضيق هيفرقع ولا حتى لا بسه حجاب على الموضة وابص واقول عاادى مع انه مش عااادى !!

    ليه لما اروح مكان هادى والاقى ولد بنت ماسكين فى ايد بعضه وعمالين بيحبوا فى بعض واقول عااادى مع انه مش عااادى !!

    ليه لما اروح عند حد والاقيه مشغل التليفزيون على فيلم ساقط ولا كليب ماجن ولما اجى اقوله مينفعش كده يقول عااادى مع انه مش عااادى !!

    ليه لما الاقى بنت منتقبة ولا محجبة وقاعدة على كافيه وبتشرب شيشة وابصلها واقول عااادى وهو مش عااادى ابدااااا !!!

    ليه لما الاقى اب وام ماشين فى الشارع وعماهم بناتهم لابسين لبس فاضح يكسف واقووول يااااه عادى جدا وهو مش عاادى خالص !!

    ليه لما الاقى بنت ماشية فى الشارع بعد 12 بالليل لوحدها ولو سالتها مروحتش ليه تقول عااادى لسه بدرى وهو مش عااادى ابدا !!!

    ليه لو اتعزمت فى فرح ولقيت العروسة بعد ما كانت محجبة قلعت حجابها وتقولها ليها تقولك عادى ما هى ليلة العمر وهو مش عادى !!

    ليه لما تروح الفرح وتلاقى البنات كاسيات عاريات وحطين مكياج ومغرقين نفسهم برفان وتسأل ليه يقولوا عادى فرح بقى وهو مش عااادى !!

    ليه لما تركب وسيلة مواصلات وتلاقى الشاب قاعد والعجوز واقف والشاب ولا اكنه شايف حاجة عااادى وهو مش عاادى ابدا فين النخوة والرجولة !!

    ليه لما الاقى اب ولا ام هيموتوا من الحسرة لان اولادهم رموهم فى دار مسنين واقول عااادى اصل ولادهم مشغولين وده مش عاادى ابدا


    وليه وليه وليه
    لو هفضل اتكلم من هنا لبكرة مش هخلص من كلمة
    عــــــــــــــــادى
    يا ترى يا جماعة هو فعلا عاااادى !! عادى التبرج عادى السفور عادى الغيبة والنميمة والكذب عااادى عاادى سماع الاغانى عاادى اللبس الضيق عاادى الحب داخل الجامعات وفى الطرقات وخارجها !!

    عــــــــــــــــــــــــــــــــــــــــــــــادى
    يا نااااااااااس


    طيب اززاى عااادى هو ده اللى امرنا به الله عزوجل ولا اللى علمهولنا النبى محمد صلى الله عليه وسلم

    هو ده اللى اتربينا عليه هو ده الاسلام والدين !!

    طيب هو ليه اللى مش عادى بقى عاادى واللى عااادى بقى مش عادى

    يعنى الملتحى الناس بتبصلهم بغرابة والشاب الفانكى الروش الناس شايفه انه عادى

    يعنى المنتقبة الملتزمة بقت متخلفة ورجعية والبنت المتبرجة بقى ده الطبيعى

    يعنى اللى بيتفرج على قنوات دينية بقى متشدد وناشف واللى بيتفرج على مسلسلات وافلام بقى روش واون لاين

    يعنى اللى ماشى مشغل الاغانى بصوت يخرم الودان هو ده اللى عايش حياته انما اللى مشغل قران فى عربيته بيزعج اللى حواليه ومبيعملش حسابهم

    يعنى ....................

    لا حول ولا قوة الا بالله

    المفروض يعنى هو ده اللى يحصل
    المفروض ده اللى بقى عااادى
    ازاى يعنى
    الدنيا بقت ماشية بالمشقلب
    الصح بقى غلط والغلط بقى صح
    !!!!!!!!!!!

    ياريت نصحح المفاهيم ونظبط علاقتنا ونتعلم ديننا ونطبق سنة حبيبنا ونمشى على الصراط المستقيم علشان نوصل لجنتنا




    منقول من صديقة
    avatar
    سمر
    Admin

    عدد الرسائل : 308
    العمر : 32
    تاريخ التسجيل : 11/09/2008

    رد: ليه كل حاجة مش عادى بقت عــــــــــــــــــــــــادى

    مُساهمة من طرف سمر في الخميس يناير 15, 2009 2:43 pm




    سيأتى زمن على الناس لا يفرقون بين الحرام والحلال وهذا هو الحال

    لكن ارجع اقول لك هناك اناس ملتزمون لا يهمهم شئ

    ومهما قال الناس عنهم فهم يسيرون على كتاب الله وسنة الرسول

    وان كنا نغلط بما اننا بشر لكن سرعان مانتوب ولا نكرر الخطأ




      الوقت/التاريخ الآن هو الثلاثاء ديسمبر 12, 2017 9:43 pm