الفساد التعليمى

موضوع التعليم موضوع خطير جدا خصوصا فى مصر لانه بيمر بمرحله خطيره وشكلها كدا هتستمر كتير وهى الفساد فى التعليم ولانه مقياس نهضه اى دوله وتطورها والعالم كله داخل فى مرحله اعتماد الدول على مستوى التعليم المعنوى العلمى اللى مش موجود فى مصر غير التعليم الادبى المبنى على الحفظ ومش كدا وبس التعليم بقى حاجه غريبه فى مصر مبنى على كراهيه بين الطالب والمدرس وبقينا بنشوف حوادث قتل فى المدرسه ولم تعد المدرسه مكان اللى بيحظى بالاحترام مكان مقدس والتعليم فى مصر انحضر بمستوى عالى جدا لافت للنظر من جميع الجوانب والفساد زاد فى التعليم ممكن تكون واحده من دول هى السبب وممكن يكونوا كلهم مجتمعين وتكون كارثه ومأملش كدا واشوف رايكم
1-مجانيه التعليم واللى بسببها ادى الى لامباله عند الطالب ومفيش اهتمام بكيان المدرسه المعنوى والمادى
2-التعليم الخاص المبنى على مصالح رجال الاعمال واللى مفيهوش منهج علمى
3-المسئولين عن التعليم فى مصر واللى مش وراهم حاجه غير شيلوا سنه 6 هاتوا سنه6 ويا ترى نخلى الثانويه العامه تراكميه ولا نخليها سنه واحده
4-تاهيليه الخريج من الكليه ليكون مدرس يعنى مربى اجيال وده ممكن مسمعش عنه فى الجامعه
5-المنهج التعليمى اللى متغيرش من سنين كتير ومينفعش انه يواكب التطور العالمى
6-الدروس الخصوصيه واللى بسببها المدرس مبيشرحش فى المدرسه زى الدرس
7- زياده عدد التلاميذ فى المدرسه واللى وصل لحد يخنق بصراحه وبالكاد المدرس عند حق لانه مستحيل يوصل المعلومه بالطريقه المناسبه
8-العائد المادى البسيط واللى بيخلى المدرس مش بيلاقى عائد نظير الدور اللى بيقوم بيه
وكدا الحمدلله انا شايف ان كل دول اسباب موجوده فى مصر والكارثه موجوده.بس يا ترى ممكن نلاقى حل او حتى حلول للمشاكل دى كلها

وين ما كان في فساد التعلمى